West Ham United do të vazhdojë bashkëpunimin me trajnerin Nuno Espírito Santo pavarësisht rënies së skuadrës në Championship në fund të sezonit. Në një deklaratë zyrtare klubi shpreh besimin te projekti i trajnerit portugez dhe synimin për rikthim të menjëhershëm në Premier League. Drejtuesit njoftuan se kanë nisur menjëherë planifikimin për sezonin e ardhshëm dhe se objektivi i vetëm mbetet rikthimi në elitë në sezonin 2026-2027.
Nuno mori drejtimin e skuadrës në shtator, duke zëvendësuar Graham Potter, në një periudhë krize ku West Ham luftonte për mbijetesë. Sipas klubit, trajneri arriti të rikthejë skuadrën në garë dhe të ngushtonte diferencën me rivalët, por humbja e Evertonit ndaj Tottenham konfirmoi matematikisht rënien e “Hammers” nga elita. Në reagimin zyrtar thuhet gjithashtu: “Nuno e bëri shumë të qartë se është i motivuar për sfidën e rikthimit të West Ham në elitë që në tentativën e parë.”
Si pjesë e përpjekjeve për përmirësim të marrëdhënieve me tifozët pas sezonit të zhgënjyeshëm, klubi ka njoftuar ulje deri në 30% të çmimeve të abonimeve sezonale. Ndeshja e fundit të sezonit ndaj Leeds u shoqërua me protesta të forta të tifozëve kundër pronarit David Sullivan. Ndërkohë, në rrjetet sociale shumë mbështetës kanë konsideruar vendimin për të mbajtur Nuno Espírito Santo si një hap pozitiv për stabilitetin e klubit.
Drejtuesit pritet të bëjnë ndryshime të mëdha në skuadër gjatë verës, me qëllim arkëtimin e afro 150 milionë paund nga shitjet e lojtarëve. Mes emrave që mund të largohen përmendet edhe Aaron Wan-Bissaka, për të cilin thuhet se ka interesim nga Newcastle dhe Everton. Klubi po planifikon ndërhyrje në përbërjen e skuadrës dhe menaxhimin e situatës sportive me fokus rikthimin në Premier League në sezonin 2026-2027.
