Ekstradohet nga Belgjika Leonard Duka.
Shqipëria dhe Belgjika kanë gjetur marrëveshjen për ekstradimin Leondard Dukën.
Policia e Shtetit e ka marrë në dorëzim ditën e sotme në Rinas.
Leonard Duka, i njohur si lider i grupit kriminal “Klan Duka”, është ekstraduar nga Belgjika në Shqipëri, ku do të përballet me një mori akuzash serioze. Duka, i njohur për stilin e jetesës së tij luksoze dhe përfshirjen në aktivitete kriminale, është një nga emrat më të kërkuar nga drejtësia shqiptare.
Ai do të përballet me disa akuza në gjyq, pasi SPAK e akuzon për disa vepra penale.
Leonard Duka është i dyshuar si një nga autorët e vrasjes së Santiago Malkos në gusht të viti 2019, në rrugën “Xhanfize Keko”, Tiranë.
Në vitin 2019, Duka u arrestua për lidhjet e tij me trafikun e drogës, ndërsa ka qenë gjithashtu i përfshirë në disa atentate të tjera. Arrestimi i tij më i fundit në Belgjikë më 18 maj 2024, si pjesë e operacionit ndërkombëtar “Metamorfoza 2”, ka zbardhur një seri ngjarjesh kriminale dhe ka çuar në ekstradimin e tij në Shqipëri.
Duka është shpallur në kërkim ndërkombëtar dhe ka një masë sigurie “Arrest në burg” të vendosur nga Gjykata e Posaçme Kundër Korrupsionit dhe Krimit të Organizuar për akuzat e “Vrasjes me paramendim” dhe “Mbajtjes pa leje dhe prodhimit të armëve”. Ekstradimi i tij është një hap i rëndësishëm në luftën kundër krimit të organizuar në Shqipëri.
