Grupi parlamentar i Partisë Socialeiste (PS) vazhdon mbledhjen, ku kryeministri Edi Rama ka bërë të ditur ndryshime të rëndësishme në kabinetin qeveritar. Sipas burimeve të Top Channel, Rama ka përmendur ndryshime në të paktën katër ministri, duke emëruar figura të reja në pozita kyçe.
Albana Koçiu është emëruar zv.kryeministre, duke zëvendësuar Belinda Ballukun. Ferit Hoxha, ish-ambasador i Shqipërisë në OKB, merr postin e Ministrit të Punëve të Jashtme, ndërsa Besfort Lamallari largohet nga Ministria e Drejtësisë për të kaluar në krye të Ministrisë së Brendshme. Toni Gogu merr përgjegjësinë si Ministër i Drejtësisë.
Një tjetër emër i ri është Erjona Ismaili, e cila emërohet ministre për Marrëdhëniet me Parlamentin. Duke përfunduar këtë valë ndryshimesh, Enea Karakaçi është emëruar Ministër i Infrastrukturës dhe Energjitikës, pas largimit të Belinda Ballukut nga ky post.
Ky proces i ringritjes së kabinetit ka për qëllim forcimin e qeverisjes dhe efikasitetit në administratën publike. Lajmi është në përditësim, duke lënë hapësirë për informacione të tjera nga mbledhja.
