Shkroi Soni Salihi
Real Madrid dhe Atletiko Madrid ndanë pikët sonte në “Santiago Bernabeu” duke marrë vetëm një barazim nga një ndeshje që i kishte hije një derbi.
Skuadra e Ancelottit vinte plot mungesa mbrëmjen e sotme teksa lëndimet ishin të shumta në rradhët e vendasve. Listës më pas iu shtua edhe braziliani Vinicius Jr ku pësoi një lendim gjatë nxehmjes së ekipit pak minuta para fillimit të ndeshjes. Për fat zëvendësuesi i sulmuesit ishte pikerisht Brahim Diaz, autori i golit të vetëm në rradhët e “Los Blancos”.
Atletiko krijoj shumë raste për shënim gjatë gjithë lojës por nuk mundën të shënonin më tëpër se 1 gol, kjo edhe për shkak të portierit ukrainas Lunin që sot ishte në formë të shkëlqyer duke ndalur jo pak herë të besuarit e Simeones. Për Real-in në pjesën e parë përveç golit nuk krijuan episode të tjera kurse në pjesën e dytë arritën të kërcënonin disa herë portën e Oblak por pa sukses.
Golin e parë të takimit e realizoj pikërisht spanjolli Brahim Diaz në minutën e 20’ ku pas një depërtimi të bukur në zonë arriti të shënoj dhe ti jap avantazhin ekipit të tijë. Në minutën e 48’ pas një ekzekutimi të një goditje këndi mbrojtësi Savic devijon topin me kokë dhe e çon në rrjetë por fatkeqësit do ti anulohej goli nga një pozicion jashtë loje. Atëherë kur Atletiko pothuajse i kishte humbur shpresat se mund të dilte me ndonjë pikë nga “Santiago Bernabeu”, ishte mesfushori Llorente i cili perfiton nga një top i hedhur në zonë dhe shënon në minutën e 93’ të shtesës duke e mbyllur ndeshjen në barazim 1-1.
Me këtë barazim, gara për titullin kampion vazhdon të mbetet e hapur në La Liga pasi Real Madrid që ndodhet në vendin e parë ndodhet vetëm 2 pikë larg Girona-s e cila barazoi ditën e djeshme kundër Sociedad. Për sa i përket Atletiko Madrid, ndodhet në vendin e 4 me 48 pikë, 10 më pak se kryesuesit.
