Barcelona dhe Reali i Madridit përballen të dielën në një ndeshje vendimtare që mund t’i sigurojë katalanasve titullin e dytë radhazi. Takimi i 10 majit do të jetë vizita e parë e Los Blancos në Camp Noun e ri, edhe pse punimet nuk janë mbyllur ende, dhe mund të vendosë fatin e kampionatit pas fitores së Realit në Cornella ndaj Espanyolit. Për Realin, kjo është një finale e vërtetë, ndërsa Barcelona edhe po të mos fitojë, ka mundësi të tjera për të fituar titullin. Me fitoren ndaj Osasunës, Barcelona mund të ishte shpallur kampione në fundjavën e kaluar; kjo detyroi Realin të kërkonte fitoren ndaj Espanyolit për të shtyrë festën e blaugranave.
Skuadra e Hansi Flick shkoi nga Pamplona me një avantazh prej 14 pikësh kundrejt madrilenëve. Pas fitores në El Clasicon e fazës së parë, Reali kishte shkuar në 5 pikë avantazh ndaj Barcelonës, nga i cili moment Barcelona ka fituar 19 pikë të tjera. Ndeshja e së dielës është përshkruar si një El Clasico që mund të vendosë përfundimisht kampionatin dhe La Liga ofron një finale të paprecedentë.
Barcelona vjen në këtë përballje pas një serie fantastike; në Pamplona skuadra e Flick regjistroi fitoren e 10 radhazi që nga marrja e drejtimit nga trajneri gjerman, duke u afruar me serinë e 12 fitoreve radhazi në La Liga, rekord i mbajtur nga Luis Enrique. Skuadra është ende në garë për të arritur 100 pikë në kampionat — sukses që deri tani e kanë arritur vetëm Reali i Madridit i Jose Mourinhos në 2011/12 dhe Barcelona e Tito Vilanovës në 2012/13. Për të barazuar këtë rekord, Barcelona duhet të fitojë të katër ndeshjet e mbetura.
Rekordi i golave i Reali të Mourinho, 121 gola në 2011/12, mbetet i paarritshëm për momentin: Barcelona ka 89 gola dhe i duhen 32 të tjerë në katër ndeshjet e mbetura, dmth. mesatarisht 8 gola për ndeshje, për ta barazuar. Sa i takon stolit, Flick pritet të ketë thuajse të gjithë lojtarët në dispozicion: Raphinha dhe Bernal morën leje mjekësore për të luajtur, Christensen pritet të bashkohet gjatë javës, ndërsa Lamine Yamal e ka humbur pjesën e mbetur të sezonit pas dëmtimit me Celta. Barcelona ka vazhduar rezultatet edhe pa yllin e saj falë lojës kolektive.
