Ditën e Diel, vendi do të përfshihet nga kushte atmosferike të qëndrueshme. Moti pritet të jetë i kthjellët në shumicën e territorit nga orët e para të ditës deri në orët e pasdites vonë. Pas kësaj periudhe, do të ketë një shtim gradual të vranësirave, nga ato mesatare deri në të dendura, në të gjithë vendin.
Era do të fryjë nga drejtimi juglindje – jugperëndim me një shpejtësi mesatare prej 7 m/s. Në vijën bregdetare, veçanërisht në jugperëndim dhe në zonat luginore, era pritet të arrijë shpejtësi deri në 12 m/s. Valëzimi në detet Adriatik dhe Jon do të jetë i forcës 1-3 ballë.
