Gjykata e Lartë ka refuzuar duke rrëzuar kërkesën e Mikhail Zorin për lirimin nga qelia, ku po mbahet prej muajit gusht kur u arrestua në Uzinën Ushtarake në Çekin të Gramshit së bashku me Svetlana Timofeevan dhe mikun e tyre ukrainas Fiodor Mihailovic.
Dy rusët dhe ukrainasi akuzohen për spiunazh nga prokuroria shqiptare. Pas sulmit kundër dy ushtarëve me spraj, Mikhail Zorin 23 vjeç u arrestua në Gramsh në përpjekje për t’u larguar duke përfunduar në disa shkurre.
Pak ditë më parë Rusia kërkoi ekstradimin e Svetlana Timofoeva, por drejtësia shqiptare nuk ka ndërmend ta dorëzojë pa u mbyllur hetimet.
Në makinën e tyre me targa ukrainase, që po përdorej gjatë qëndrimit në Shqipëri u gjetën 2 dronë, 4 celularë, 1 laptop, 1 kamer, karta memorie, 3 pasaporta, 2 aparate fotografikë, harta, etj duke krijuar dyshimet e organit të akuzës për spiunazh.
Dyshimet e prokurorisë janë se rusët dhe ukrainasi janë ndihmuar nga një shqiptar, që identifikohet me nofkën “Krasnij Vorobej” që në shqip përkthehet “Harabeli i kuq”, por ende nuk është zbuluar identiteti i tij i vërtetë.
