LUKSEMBURG– Kryeministri Edi Rama ka thënë në konferencën për shtyp pas Konferencës Ndërqeveritare me BE-në se tre herë dështuam për nisjen e fazës së re të integrimit. Rama tha me batutë se kur shqiptarët bien në dashuri nuk i ndal dot. Ai shtoi se për Shqipërinë nuk ka të ardhme tjetër veç BE-së.
“Kur shoh që në procesin e integrimit kemi ndryshuar kaq shumë gjëra, hymë në një dinamikë të re dialogu. Kemi shumë gjëra të reja të cilat nuk ishin kështu për vendet e tjera kur u përpoqën të bëheshin anëtarë të BE. Gazetarët shohin vetëm pjesën financiare, por ka të bëjë me integrimin. 5 vite më parë dukej e pamundur, sot duket e vërtetë. 3 herë u poshtëruam.
Komisioni tha se ishim gati, pastaj pas dyerve të mbyllura, 3 herë ne u poshtëruam. Por ajo që stë vret të bën më të fortë. Ne kemi dalë më të fortë nga kjo dhe ja ku jemi sot këtu. E dimë që rruga përpara është e gjatë, zakonet e vjetra nuk ikin kollaj, por për ne nuk ka të ardhme tjetër. Gjithçka që duhet duhet ta kuptoni “kur shqiptarët bien në dashuri, nuk i ndal dot kush”, tha Rama.
