Bayerni i Mynihut siguroi kualifikimin në raundin e dytë të Kupës së Gjermanisë duke mundur në transfertë Osnabrück me rezultatin 4-1. Fituesit në fuqi të kompeticionit arritën fitoren pas një ndeshjeje që nisi në mënyrë surprizë për skuadrën bavareze.
Osnabrück kaloi i pari në avantazh në minutën e 5, me golin e shënuar nga Meissner. Bayerni reagoi shpejt; pas vetëm 13 minutash barazoi shifrat me një gol të Harry Kane, duke rikthyer baraspeshën në takimin që më pas u drejtua në favor të mysafirëve. Në minutën e 24 Bischof shënoi për Bayernin, duke i dhënë skuadrës së Vincent Kompany avantazhin 2-1.
Pas pjesës së parë, Bayerni thelloi epërsinë në pjesën e dytë. Në minutën e 73 Olise shënoi golin që e çoi rezultatin në 3-1 për ekipin e Kompany-t. Fitoren përfundimtare e vulosi sërish Harry Kane, i cili shënoi për herë të dytë në këtë ndeshje dhe kompletoi dygolëshin e tij personal, duke përfunduar sfidën 4-1 në favor të Bayernit.
Me këtë rezultat, skuadra e Mynihut kalon më tej në kompeticion dhe mbyll një përballje ku fillimi i takimit shkaktoi surprizë, por që në vijim u dominuar nga golat e bavarezëve. Trajneri Vincent Kompany dhe lojtarët e tij arritën të rikthenin kontrollin e ndeshjes pas golit të hershëm të vendasve dhe të siguruan një fitore të qartë në transfertë.
Për ndeshjet e raundit të dytë të Kupës së Gjermanisë do të hidhet shorti më 5 shtator. Një risë historike e këtij raundi është përdorimi për herë të parë i sistemit VAR në të gjitha ndeshjet e fazës, një ndryshim i paralajmëruar për organizimin e takimeve të këtij niveli.
