Duket se trupat ruse nuk po kursejnë asnjë.
Bëhet me dije se ata kanë qëlluar dhe vrarë kryebashkiakun e Hostomel, Yuri Prylypko. Lajmi është konfirmuar nga zyrtarët ukrainas.
Këshilli i qytetit tha se Yuri Prylypko vdiq teksa shpërndante bukë dhe ilaçe për ata që kishin nevojë për ndihmë në zonën e rrethuar nga forcat ruse. Ai u vra së bashku me dy të tjerë, Ruslan Karpenkom dhe Ivan Zore.
Për shkak të luftës ka qenë e pamundur që të mbahet një funeral, teksa këshilli i Hostomel, nëpërmjet një deklarate tha se “vdiq si hero”.
