Komisioni Qendror i Zgjedhjeve (KQZ) ka miratuar planin për Qendrat e Votimit për zgjedhjet e ardhshme të 9 shkurtit 2025 në Republikën e Kosovës. Sipas vendimit të KQZ-së, në këto zgjedhje do të jenë të hapura rreth 940 qendra votimi, të cilat do të përfshijnë të gjitha komunat e Kosovës.
Prej këtyre, 38 do të jenë qendra të veçanta që do të shërbejnë për votimin me kusht, një mundësi që iu jep të drejtën e votës atyre që ndodhen në kushte të veçanta.
Po ashtu, gjatë mbledhjes së KQZ-së, është miratuar regjistrimi i partisë politike “Bashkimi Demokratik” (BD), e cila do të jetë pjesë e regjistrit të partive politike në Kosovë. BD, e udhëhequr nga Ajvaz Berisha, do të ketë numrin rendor 54 në regjistrin e partive politike.
Ky vendim i KQZ-së siguron një plan të detajuar për organizimin e procesit zgjedhor dhe ofron mundësi për përfshirjen e më shumë qytetarëve dhe grupeve të ndryshme në procesin e votimit.
