Një punonjës i Policisë Rrugore të Maliqit ja përfunduar në spital, pasi është përplasur nga një ‘Benz’.
Policia njofton se aksidenti ka ndodhur rreth ores 18:00, në aksin rrugor Korçë-Maliq, pranë fshatit Lumalas.
Polici është dërguar në spital dhe ndodhet jashtë rrezikut për jetën.
“Më datë 04.01.2022, rreth orës 18:00, në aksin rrugor Korçë-Maliq, pranë fshatit Lumalas, Korçë, shtetasi Xh. A., i cili drejtonte mjetin tip “Benz”, ka përplasur punonjësin e policisë rrugore E. Ç., që ka qenë në shërbim, në këtë linjë.
Me drejtuesin e mjetit po kryhen veprimet e mëtejshme procedurale, ndërsa punonjësi i policisë u dërgua për ndihmë mjekësore në Spital, ku ndodhet jashtë rrezikut për jetën”, njofton policia.
Grupi hetimor po punon për sqarimin e rrethanave të ngjarjes.
