Komisioni i Disiplinës pranë Federatës Shqiptare të Futbollit publikoi vendimet për shkeljet e kryera në mbyllje të sezonit. KF Vllaznia dënohet me gjobë 200.000 lekë për sjellje të gabuar të spektatorëve (ndezje flakadanësh dhe kore fyese) sipas neneve 17/2/b dhe 17/2/e të KDE.
Zyrtarja e KFF Gramshi, Edonisa Aliu, për kërcënim ndaj zyrtarëve dënohet me 10 ndeshje pezullim dhe i ndalohet hyrja në të gjitha stadiumet e aktiviteteve të FSHF deri në përfundim të dënimit (nenet 14/1/k dhe 6/2/c). Lojtarja e KFF Gramshi, Flondra Berhami, për sjellje të dhunshme ndaj zyrtarëve dënohet me 5 ndeshje pezullim.
KF Vora U-16 braktis ndeshjen kundër KF Shkodra U-16 dhe dënohet me gjobë 100.000 lekë, humbet ndeshjen 3-0 në tavolinë; për gjobën aplikohet masa 3% sipas nenit 76/1/e të KDE. Lojtari i KF Vora U-15, Estin Milla, për sjellje josportive ndaj zyrtarëve dënohet me 4 ndeshje pezullim.
FC Kinostudio: lojtari Rajan Ducellari për kërcënim ndaj zyrtarëve dënohet me 10 ndeshje pezullim; zyrtari Anjez Gjonpalaj për kërcënim dënohet me 10 ndeshje pezullim dhe i ndalohet hyrja në stadiume deri në përfundim të dënimit (nenet 14/1/k dhe 6/2/c).
Flamurtari FC U-14, Don Bosco Academy U13, Don Bosco B U13, Multisport 21 Tirana U14 (për dy ndeshje të ndryshme), FC Kinostudio U13, Kamza 07 U14, Rinia EL A U13, Rinia EL B U13, AF Dajti A U13, Kastrioti U13, KS Ali Demi U15 dhe Dyrrah City U15 dënohen për braktisje ndeshjes me gjobë 100.000 lekë dhe humbasin ndeshjen 3-0 në tavolinë; për gjobat aplikohet masa 3% sipas nenit 76/1/e të KDE.
Zyrtari i FC Pepa U-14, Shaban Shehu, për sjellje josportive dënohet me 8 ndeshje pezullim dhe i ndalohet hyrja në stadiume deri në përfundim të dënimit; zyrtari Elis Biçaku me 4 ndeshje pezullim. Burreli B U-13 humbet ndeshjen 3-0 për aktivizim të një lojtari pa të drejtë; zyrtari Lulzim Kola dënohet me 6 muaj pezullim. AF Kampionët U-13, Aurel Xhepa, dënohet me 4 ndeshje pezullim. Ledion Daja i FK Tomori U-14 dënohet me 8 ndeshje pezullim për sulm ndaj kundërshtarëve.
Për dështim në ekzekutimin e vendimeve të Dhomës Kombëtare të Zgjidhjes së Mosmarrëveshjeve, KF Tirana dhe FK Kukësi marrin ndalim regjistrimi të lojtarëve të rinj për 3 periudha regjistrimi deri në pagesën e detyrimit (neni 29/1/c). Klubeve FC Besa, KS Korabi, KF Vllaznia, Klubi i Futbollit Lushnja dhe Klubit të Futbollit Tirana u jepen afate paralajmëruese 30 ditëshe për të ekzekutuar vendimet përkatëse (neni 29/1/b), njofton Komisioni i Disiplinës.
