Komisionerja për Zgjerim, Marta Kos, ka zhvilluar një takim 60-minutësh me drejtues të lartë të institucioneve të drejtësisë gjatë qëndrimit të saj në Tiranë.
Gjatë këtij takimi, ajo u takua me kreun e SPAK, Altin Dumani, kryeprokurorin Olsian Çela, kreun e ILD, Artur Metani, dhe atë të Këshillit të Lartë të Drejtësisë, Ilir Rusi. Temat kryesore të diskutimit ishin zbatimi i reformës në drejtësi dhe sfidat e përditshme që hasin këto organe.
Kos është interesuar të marrë informacion të detajuar mbi përparimin e reformës dhe sfidat që hasin këto institucione në luftën kundër korrupsionit dhe krimit të organizuar.
Gjatë kësaj periudhe, kreu i delegacionit të BE në Tiranë, Silvio Gonzato, ka mbështetur fuqishëm pavarësinë e këtyre organeve dhe ka kundërshtuar sulmet ndaj SPAK dhe kryeprokurorit të tij, Altin Dumani.
