Kombëtarja U21 triumfoi në Arenën Kombëtare, duke mposhtur Luksemburgun me rezultatin 3-1 në një miqësore që u vendos me përmbysje. Skuadra mike ishte ajo që kaloi e para në avantazh, duke gjetur rrugën e rrjetës në minutën e 13, por kjo avantazh nuk zgjati shumë përpara se kuqezinjtë e vegjël të reagojnë.
Në minutën e 23, kapiteni Ermir Rashica barazoi shifrat në 1-1, duke rikthyer shpresat për Kombëtaren U21. Pas golit të barazimit, të besuarit e trajnerit Alban Bushi vazhduan presionin dhe kërkimin e avantazhit, që erdhi në minutën e 35 kur Brruti realizoi me një gjuajtje nga distanca, për të përmbysur rezultatin në 2-1. Ky gol ndryshoi rrjedhën e ndeshjes dhe i dha kuqezinjve udhëheqjen në pjesën e parë të sfidës.
Gjatë pjesës së dytë, Kombëtarja U21 ruajti avantazhin dhe kontrolloi zhvillimet deri në minutat e fundit, kur ishre Kevin Dodaj vulosi rezultatin duke shënuar golin e tretë në minutën e 88, për të çuar shifrat në 3-1 dhe për të konfirmuar fitoren e ekipit vendas. Golat e shënuar nga Rashica, Brruti dhe Dodaj vendosën diferencën përfundimtare dhe mbyllën një ndeshje ku skuadra shqiptare reagoi pas një disavantazhi të hershëm.
Fitorja e arritur në miqësoren ndaj Luksemburgut përforcon bilancin e përgatitjeve të Kombëtares U21 para sfidave të ardhshme. Trajneri Alban Bushi dhe pjesëtarët e ekipit dolën nga kjo ndeshje me një fitore të qartë në rezultate, që erdhi pas një reagimi të organizuar dhe realizimit të tre golave gjatë 90 minutave.
Kombëtarja U21 do të luajë një tjetër miqësore të nivelit të lartë më 17 nëntor, kur do të përballet me Spanjën, edhe kjo sfidë do të zhvillohet në Arenën Kombëtare.