Një ngjarje e rëndë ka ndodhur në via Cesare Albisetti, në Terno d’Isola, ku një 20-vjeçari shqiptar ka gjetur vdekjen e menjëhershme.
Sipas mediave vendase mësohet se shqiptari Kevin Mustafa, humbi jetën pasi motori me të cilin ai po udhëtonte u përplas me një Citroen.
Shërbimet e emergjencës mbërritën menjëherë në vendin e ngjarjes, por fatkeqësisht përpjekjet ishin të kota.
Një prej dëshmitarëve ka rrëfyer momentet e tmerrit që 20 vjeçari kaloi teksa me kokën poshtë gomave të makinës po priste për ambulancën.
“Kur pashë djalin, ai tashmë ishte rrëzuar duke përfunduar me kokën në njërën nga rrotat. Makina po udhëtonte me shpejtësi të ulët dhe gruaja pas timonit frenoi menjëherë, por goditja ishte shumë e fortë. Djali ra shumë keq, iu thye helmeta. Unë zbrita menjëherë për ta ndihmuar atë dhe pesë-gjashtë persona të tjerë gjithashtu.
Nuk e prekëm sepse qafa e tij ishte në një pozitë të keqe dhe kishim frikë se mos i përkeqësonin gjërat, por telefonuam 118. Ai po merrte ende frymë edhe pse me shumë gulçim,” tha dëshmitari.
Kevin Mustafa kishte shkuar në Terno d’Isola kur ishte ende shumë i vogël, së bashku me babain e tij shqiptar dhe nënën e tij ekuadoriane, Fanny Mourera. Prindërit e Kevinit u ndanë pothuajse menjëherë dhe djali u rrit nga nëna e tij.
