Shkroi: Jane Doe
Alfred Peza ia doli të bëhet edhe memja e muajit maj. Për pak ditë, bëhet memja e vitit. Personazhi më absurd që mund të ketë ndeshur ndonjëherë historia e medias shqiptare, sot drejton një nga mediat më fatkeqe të këtij vendi fatkeq.
Me ndihmën e presidentit të vendit, që zotëria P. bën sikur e ka vëlla, dhe pale se të kujt kuadroje tjetër, kunati i shokut Xhemal vazhdon të uzurpojë godinën e të vetmes media publike në vend. Ai s’ka anjë faj! Ne të papunët ndërkohë, që vegjetojmë nga shtëpia për faj të tij, ne e kemi gjithë fajin.
E ndërkohë që grimë sallatë me shkrime, ankesa e dëgjesa, asgjë nuk ndryshon. Mëngjesi çel po aq i hidhur sa ai i një dite më parë. Çmenduria e këtij njeriu nuk ndalet. Ai e ka ndarë mendjen të hakmerret duke hequr nga puna edhe shokët e kushërinjve të komshinjve që kanë pasur kontakt me “të pushuarit” e listës së tij të zezë. Ky individ nuk pjerdh as për shtet e as për drejtësi. Shteti dhe drejtësia e tij është vetë AI.
Njerëz të ardhur nga asgjëja, me frustrim më të madh se masa S e kostumit që veshin, po dhunojnë jetët tona me arrogancën më të madhe që njeh koha: injorancën. Çdo e keqe vjen prej saj.
Ky individ me IQ nën minimalen e një latanti, guxon dhe nxjerr në ekranin e taksapaguesve shqiptarë qen, mace, majmunë, gomerë, derra e dosa. Madje është aq i prapë, sa kur ata dalin si cjapi te kasapi duke nxjerrë lloj-lloj turpesh nga goja, ky i zhduk me një të rënë të lapsit. Dhe më pas krenohet që hoqi të paaftët. Këtu bëhet #sërishemadhe.
Po jashtëqitja ka depërtuar aq keq nëpër pusetat poshtë RTSH-së, saqë zoti P. nuk po di cilat mutra të mbledhë më parë. Më fal për fjalorin zoti P, por kjo fjalë për ty duhet të vijë shumë e ngrohtë në pozitat nga të cilat flas.
Por kanalet e zeza do të plasin shumë shpejt! Sado të përpiqesh të fusësh miq si kolateralë për hajdutllëqet e tua, era e tyre do të të dekonspirojë.
Të larguarit e tu nuk flenë rehat dhe sa kohë që ata e mbajnë dritën çelur, duhet të kesh frikë. Jo më larg se para dytësh u jemi drejtuar gjithë unioneve ballkanike e europiane për mbrojtjen e të drejtave të gazetarëve. Shumë shpejt do u drejtohemi ambasadave dhe gjithë përfaqësive të mundshme në Shqipëri. Mund të jetë një vrimë në ujë, por më mirë një vrimë, sesa të shtrohemi këmbëkryq me padrejtësinë që na është bërë.
Ruaji zoti P! Drejtësia vonon, por nuk harron! Dhe kur bëhet bashkë me karmën, janë një çift tejet i rrezikshëm!
Vijon…
