Mbrëmjen e sotme në ‘Fan Club’ janë ftuar tezja e Selin dhe bashkëshortja e Rogertit, familjarët e dy finalistëve të Big Brother VIP. Gjatë diskutimit për lojën e Selin, ato kanë pasur një përplasje të ashpër. Tezja e Selin ka theksuar se mbesa e saj është përballur me sfida dhe ofendime, duke përmendur cenimin e imazhit nga Rogerti. Ajo e përshkroi Selin si një vajzë që ka treguar anët e saj njerëzore dhe ka arritur t’i përballojë të gjitha akuzat.
Nga ana tjetër, bashkëshortja e Rogertit ka shprehur se Selin ka pasur interes të përballet me lojën e tij dhe se mund të kishte shmangur situatat e tensionuara, por ka zgjedhur të mos e bënte këtë. Ajo pranoi se nuk është dakord me disa momente të lojës së Rogertit, por e konsideron se Selin ka pasur mundësinë të largohet nga ofendimet.
Tezja e Selin ka kritikuar bashkëshorten e Rogertit për denigrimet dhe ofendimet që Rogerti ka drejtuar ndaj Selin, duke e cilësuar të turpshme. Ajo e ka ftuar bashkëshorten e Rogertit të rikujtojë lojën e pisët, ndërsa bashkëshortja e Rogertit ka insistuar se Selin mund ta kishte shmangur situatën.
Debati ka vazhduar me akuza të ndërsjella, ku tezja e Selin e ka akuzuar bashkëshorten e Rogertit për mbështetje të fjalëve të tij, ndërsa ajo e fundit ka theksuar se nuk kërkon ndjesë për to. Diskutimi ka qenë i tensionuar, duke reflektuar ndjesitë e forta që kanë dy familjet për finalistët e Big Brother VIP.
