Klubi i Egnatias ka njoftuar për transferimin e mesfushorit nigerian, Benjamin Akindoyo, i cili ka firmosur një kontratë afatgjatë deri në vitin 2029. Akindoyo, 22 vjeç, vjen nga skuadra Olukismet në kategorinë e dytë të futbollit nigerian, por mungojnë të dhëna të plota mbi numrin e ndeshjeve të tij.
Ky transferim shihet si një investim për të ardhmen, duke pasur parasysh se Egnatia synon të marrë pjesë në kompeticione europiane sezonin e ardhshëm. Megjithatë, për shkak të rregullave të regjistrimit të lojtarëve në këtë fazë të sezonit, ekziston mundësia që Akindoyo të mos mund të aktivizohet në ndeshjet e mbetura të kampionatit.
Sfida e radhës për Egnatian është përballja në shtëpi ndaj Flamurtarit, në një moment kur skuadra kërkon të ruajë ritmin e saj drejt përfundimit të sezonit.
