Dymbëdhjetë ton çokollata KitKat u zhdukën në Evropë javën e kaluar pasi hajdutët rrëmbyen kamionin që i transportonte ato, njoftoi Nestlé, gjigandi zviceran i ushqimit. Një kamion me 413,793 çokollata nga linja e re e KitKat me destinacion Poloninë u zhduk gjatë udhëtimit, duke hapur shqetësime për furnizimin e tregut europian.
Sipas informacionit nga Nestlé, automjeti u nis nga Italia qendrore për shpërndarje në disa vende, por nuk arriti në destinacionin e tij përfundimtar. As kamioni dhe as ngarkesa nuk janë gjetur deri më tani, dhe detaje mbi vendndodhjen e mundshme të tyre nuk janë bërë publike.
KitKat njoftoi se produktet e vjedhura mund të identifikohen përmes një kodi unik serie, dhe konsumatorët që skanojnë këto kode do të marrin udhëzime për të kontaktuar kompaninë. Përveç kësaj, Nestlé paralajmëroi se ky incident mund të ndikojë në furnizimin e tregut, duke theksuar se konsumatorët mund të përballen me vështirësi për të gjetur çokollatat e tyre të preferuara në prag të festës së Pashkëve.
Ky rast i vjedhjes ka shkaktuar shqetësime në industrinë e ushqimit, duke rritur tensionet për furnizimin e produkteve të njohura, veçanërisht gjatë periudhave festive. Situata mbetet e paqartë për sa i përket fatit të kamionit dhe olanit të tij, ndërsa kompanitë dhe konsumatorët presin informacione të mëtejshme mbi incidentin.
