Një postim enigmatik i Alexandër Sorloth, ku shoqëronte një video me golat e tij më të bukur në La Liga dhe fraza “Kam një lajm interesant përpara se të përfshihem plotësisht në Botëror, kështu që qëndroni në linjë”, ka ndezur shpresat te tifozët e Juventusit për një transferim të norvegjezit. Sorloth është bërë objektivi kryesor i drejtuesve të Juventusit, Fabrizio Comolli dhe Daniele Ottolini, si zëvendësues i Dusan Vlahovic, i cili pritet të largohet.
Trajneri Luciano Spalletti kërkon një qendërsulmues dhe 30-vjeçari norvegjez shihet si zgjedhja ideale. Për rastin e Randal Kolo Muani do të hapet një negociatë e veçantë me PSG, por për momentin fokus është tek Sorloth. Spalletti ka intervenuar personalisht për ta bindur futbollistin dhe, sipas raporteve, ka arritur sukses në bindje.
Është njoftuar se është arritur marrëveshja me përfaqësuesit e Sorloth për një kontratë trevjeçare, me një opsion edhe për një vit të dytë, dhe me një pagë prej 4 milionë euro neto në sezon — shifër kjo që përmendet se është rreth gjysma e asaj që pretendonte Vlahovic. Mbetet për t’u finalizuar marrëveshja me Atletico Madrid, klubi nga i cili vjen sulmuesi, i cili ka kërkuar rreth 30 milionë euro për kartonin e tij.
Juventusi pritet ta paguajë shumën, por me një paketë që përfshin bonuset e lidhura me paraqitjet dhe rezultatet. Ndërkohë, bisedimet për blerjen e kartonit të Nico Gonzalez nga Atletico po vijojnë paralelisht dhe mund të ndikojnë në dialogun mes palëve. Klubi bardhezi po kërkon të mbyllë shpejt tratativat për Sorloth, duke pasur parasysh se Botërori po afron dhe performanca e tij atje mund të rrisë interesin e klubeve të tjerë evropianë dhe vlerën e kartonit. Burim: Top Channel.
