Pas nëntë vitesh te Manchester City, Bernardo Silva ka vendosur të kthejë faqe në karrierën e tij, ndërsa Juventus me trajnerin Luciano Spalletti e kanë vënë në shënjestër dhe Damien Comolli ka nisur lëvizjet e tij për transferimin. Megjithatë, pengesat janë të shumta dhe një prej tyre është Barcelona.
Një nga ëndrrat e mesfushorit portugez është të veshë fanellën blaugrana, dhe prioriteti i tij ka kaluar përpara faktorit ekonomik: Bernardo Silva dëshiron të jetë sa më pranë familjes. Prania e shumë anëtarëve të familjes në Barcelonë konsiderohet tregues i rëndësishëm për destinacionin e preferuar të 31-vjeçarit. Silva është parë shpesh në kryeqendrën e Katalonjës gjatë kohës së lirë dhe festave, dhe sipas të përditshmes Sport, edhe vetë motra e tij jeton në Barcelonë së bashku me bashkëshortin.
Në klubin katalanas, megjithatë, presidenti Joan Laporta nuk po shtyn për ta sjellë atë në skuadër, pasi prioritetet e Barcelonës janë të tjera. Megjithë këtë, pretendimi financiar i mesfushorit përputhet me politikat e klubit spanjoll, gjë që e lenë të hapur mundësinë e një bashkimi me blaugranat.
Aspekti ekonomik mban të hapur edhe rrugën për Juventusin. Damian Comolli ka komunikuar me agjentin Jorge Mendes, dhe ajo që ngjall shpresë te Zonja e Vjetër është dëshira e futbollistit për të vazhduar të luajë në nivele të larta për të paktën edhe një ose dy sezone. Në favor të Juventus mund të ndikojnë edhe lidhjet e tij me figura të tjera: Francisco Conceição, shok skuadre me Bernardon në kombëtaren portugeze, dhe sidomos Cristiano Ronaldo, i cili njeh mirë ambientin e Torinos dhe mund të luajë rol ndikuese.
Situata mbetet e hapur ndërmjet interesit të Juventusit dhe dëshirës personale të lojtarit për t’u afruar me familjen në Barcelonë, ndërsa vendimmarrja finale do të varet nga lëvizjet e klubeve dhe negociatat mes palëve. Top Channel
