Një nënë me djalin e saj, i cili është në spektër autik, u prek nga uji me piper që hodhi policia gjatë tensioneve në një protestë. Ajo deklaroi se po kthehej në shtëpi pas përfundimit të terapisë së djalit kur u godit: “Isha duke ikur në shtëpi. Dua vetëm të iki në shtëpi, ata na hodhën piper syve. Dua të iki në shtëpi, unë nuk isha atje, isha terapia e djalit, më hodhën piper syve dhe ujë. Turp të kenë”, tha zonja pas ngjarjes.
Sot, kryeministri Edi Rama akuzoi protestuesit, duke thënë se ata i kishin sjellë nënën dhe djalin në protestë për ta paraqitur si viktimë të policisë dhe për të mbrojtur deputetët. Rama përshkroi ngjarjen si një manipulim nga “korbat” dhe “sorrat” që, sipas tij, e morën nënën me vete te Parlamenti për ta kthyer në “viktimën e policisë” dhe për të fituar solidaritet. Ai tha se përjetimi i nënës ishte i vërtetë por mund të jetë i përdorur nga të tjerët, duke akuzuar se ajo u ekspozua para kamerave dhe u përdor si mjet për të nxjerrë lot dhe për të bërë propagandë kundër institucioneve.
Pavarësisht akuzave të kryeministrit, zonja File mbeti në të njëjtin version, duke theksuar se po vinte nga terapia e djalit dhe po shkonte në shtëpi kur ndodhi incidenti.
Ngjarja ngjalli reagime publike; përmes një fushate GoFundMe u mblodhën në pak orë 151,000 paund për familjen. Deklaratën e Ramës e ripostoi edhe kreu i Partisë Demokratike, Sali Berisha, i cili shoqëroi postimin me videon e nënës dhe një reagim të tij: “Dëgjojeni miq, ordiner dhe shpirt kërm!”.
Ngjarja dhe diskutimet rreth saj vazhdojnë të jenë pjesë e debateve publike, me versionet e palëve që mbeten të kundërta: deklaratat e nënës dhe reagimet e krerëve politikë.
