Ish-presidenti Alfred Moisiu është shtruar në spitalin Nënë Tereza, në reanimacion, për shkak të problemeve në frymëmarrje. Sipas raportimeve të gazetares Alma Demiraj nga Top Channel, gjendja e tij tani është e qëndrueshme. Mjekët e ekipit të aritmologjisë, pas një konsultimi që është bërë ditën e sotme, kanë vendosur që të instalojnë një pacemaker me dy dhoma.
Pacemaker është një pajisje mjekësore e dizajnuar për të mbajtur ritmin e zemrës në nivele normale, sidomos në situatat kur ritmi është shumë i ngadalshëm ose i çrregullt. Alfred Moisiu po vuante nga rrahjet e ngadalta të zemrës, të njohura si bllok atrioventrikular, një gjendje që shpesh lidhet me moshën.
Aktualisht, gjendja e ish-presidentit është raportuar si e qëndrueshme dhe ka shenja përmirësimi.
