Ish-ministri Ylli Manjani, i ftuar në emisionin Top Story me Grida Dumën, komentoi akuzat e reja të publikuara për ish-kreun e SHISH, Vlora Hyseni. Manjani shprehu mendimin e tij kritik për agjencinë e inteligjencës, duke e përshkruar atë si “një institucion parazit” dhe duke vënë në dyshim rëndësinë e saj institucionale. Ai tha: “Nuk mendoj se SHIK është kaq i rëndësishëm, është një institucion parazit. Ka atë hijen e sigurimit të shtetit, por… Jua them si qytetar, por edhe si përdorues i informacioneve, që janë sa për të qenë.”
Në lidhje me faktet që sipas tij lidhen me rastin, Manjani tha se bëhet fjalë për transferta bankare “nga një kompani në një tjetër”, por theksoi nevojën për një lidhje logjike mes këtyre transfereve dhe akuzave. Ai vuri në dukje se pa këtë lidhje, provat janë të pamjaftueshme për të nxjerrë përfundime të forta.
Manjani kritikoi gjithashtu veprimet e SPAK-ut, duke thënë se ka një kategori prokurorësh që, sipas tij, veprojnë në mënyrë të tillë që ankesa e të akuzuarve për masa sigurie ose procedurale përkeqëson situatën e tyre. Ai dha shembullin e rasteve kur, kur një i akuzuar ankohet, “i rëndojnë akuzat dhe i vendosin në situatë më të vështirë me drejtësinë”. Si ilustrim ai përmendi se “Sa herë ankohej Veliaj, i nxirrnin menjëherë një përgjim.”
Manjani shtoi se reagimet e SPAK-ut kur ankohen të akuzuarit shpesh çojnë në përkeqësim të pozitës së tyre: “Sapo ankohesh, këta të rëndëjnë pozitën që të të vijë mendja vërdallë.” Ai gjithashtu theksoi se sa më shumë që çështja bëhet publike me burime nga SPAK-u, aq më e dobët mbetet sipas tij çështja në nivelin e provave: “Sa më shumë publike të bëhet çështja me burime nga SPAK, aq më e dobët është çështja.”
Në fjalët e tij, Manjani kërkoi qartësi logjike dhe seriozitet në lidhje me lidhjet mes transferimeve bankare dhe akuzave, ndërsa shprehu rezervat mbi mënyrën si trajtohen ankimet dhe informacionet nga autoritetet hetimore. Top Channel.
