Ish-kryebashkiaku i New Yorkut, Eric Adams, është bërë zyrtarisht banor i Njësisë Administrative Nr. 2 në Tiranë pas marrjes së nënshtetësisë shqiptare. Adams ka përfunduar procedurat e regjistrimit si rezident në kryeqytet dhe ka aplikuar për pasaportë shqiptare, siç tregohet në fotot e publikuara.
Kreu i Njësisë Nr. 2, Florian Pullazi, e ka mirëpritur Adamsin në ambientet e institucionit lokal, duke e cilësuar atë si “banorin më të ri të njësisë”. Pullazi ka theksuar se Adams është një mik i madh i shqiptarëve dhe një politikan i njohur për fokusin e tij në çështjet e sigurisë publike, duke qenë ish-kapiten i Departamentit të Policisë së Nju-Jorkut.
Adams ka shprehur se marrja e shtetësisë shqiptare është një reflektim i lidhjes së gjatë dhe të thellë mes qytetit të Nju-Jorkut dhe komunitetit shqiptar në SHBA. Ai u shpreh i kënaqur që tani është banor i njësisë Nr. 2 në Tiranë.
