Presidenti i SHBA-së, Donald Trump, ka lëshuar kërcënime të forta ndaj Iranit, duke deklaruar se Shtetet e Bashkuara do ta “fshijnë atë nga faqja e dheut” në rast të ndonjë sulmi ndaj tyre. Këto komente u dhënë në një intervistë për NeësNation, para udhëtimit të tij në Davos, ku u pyet për kërcënimet e mundshme nga Teherani.
Trump theksoi se kishte dhënë udhëzime shumë specifike për forcën ushtarake nëse do të ndodhte ndonjë incident, duke shtuar se “i gjithë vendi do të shpërthente në erë” në një situatë të tillë. Kjo deklaratë vjen në një periudhë me tensione të larta midis SHBA-së dhe Iranit, pas disa kërcënimeve të zyrtarëve iranianë.
Presidenti amerikan u shpreh se qëndrimi i Shteteve të Bashkuara do të ishte i pamëshirshëm në mbrojtjen e sigurisë së amerikanëve, duke bërë të qartë se nuk do të tolerohej asnjë kërcënim nga Irani pa përgjigje. Këto deklarata nënvizojnë gatishmërinë e Trump për të përdorur forcën ushtarake për të mbrojtur interesat e SHBA-së në rajonin e Lindjes së Mesme, duke paralajmëruar se çdo kërcënim do të përballet me një përgjigje të fortë.
