Inter është një skuadër që po shënon shumë në Serie A, duke arritur të regjistrojë 22 gola, më shumë se rivalët e saj si Napoli, Roma, Milan dhe Juventus. Aftësia e skuadrës, nën udhëheqjen e Cristian Chivut, qëndron në angazhimin e një numri të madh lojtarësh në sulm, me 10 futbollistë që kanë gjetur rrugën drejt rrjetës.
Calhanoglu është shënuesi më i mirë i skuadrës me 5 gola, ndjekur nga Lautaro Martinez, Thuram dhe Bonny me nga 3 gola secili, dhe Dimarco me 2. Po ashtu, Bastoni, Dumfries, Barella, Pio Esposito dhe Sucic kanë kontribuar me nga një gol. Në këtë numër të golave, përfshihet edhe autogoli i mbrojtësit të Sassuolos, Muharemovic. Këto të dhëna vërtetojnë lojën sulmuese të Interit, përkundër mungesës së Marcus Thuram për shkak të një dëmtimi.
Megjithëse mungesa e Thuram nuk është ndjerë në aspektin statistik, ndikimi i tij në lojë është për tu vënë re. Bonny dhe Esposito kanë mbështetur Lautaro Martinez, i cili ka qëndruar vazhdimisht në fushë duke dhënë kontributin e tij në kampionat dhe Champions League, përveç ndeshjeve me Argjentinën.
Rikthimi i Thuram pritet të bëhet së shpejti, gjë që do t’i japë mundësi Martinezit të marrë pak frymë. Në ditët e fundit, Thuram ka filluar të stërvitet pjesërisht me skuadrën dhe, nëse gjithçka shkon siç pritet, ai mund të jetë në dispozicion për ndeshjen mjaft të rëndësishme ndaj Veronës, e cila do të luhen të dielën. Kjo ndeshje do të shërbejë edhe si nxemje për përballjen në Ligën e Kampioneve me Kairat, ku ka mundësi që Thuram të kthehet në fushë.
Me këto zhvillime, Inter vazhdon të tregojë se është një forcë e rëndësishme në futbollin italian, duke ndërtuar një sulm të fuqishëm që e ndihmon të mbajë formën e saj të lartë në kampionat.
