Interi e ka marrë seriozisht çështjen Curtis Jones, duke e përzgjedhur mesfushorin anglez të Liverpool si synimin kryesor për të forcuar mesfushën, ndërsa i destinuar për t’u larguar është Davide Frattesi. Me vendimin e Henrikh Mkhitaryan, i bindur nga Chivu të qëndrojë një vit tjetër, kampionët e Italisë mund të sjellin vetëm një futbollist për mesfushën, ku alternativat kryesore mbeten Kone dhe Jones. Në Montecarlo, drejtori sportiv i Interit, Piero Ausilio, bisedoi me Richard Hughes të Liverpool për Jones, por tratativa është në fillim: Liverpool kërkon të paktën 30 milionë euro plus një përqindje në rast rishitjeje, ndërsa oferta zikaltër është 20 milionë euro. Kontrata e Jones me Liverpool skadon në 2027.
Aleksandar Stankovic është në Milano dhe ka kryer kontrollin për përshtatshmërinë sportive te CONI; në ditët në vijim pritet të takohet me drejtuesit e Interit. Klubi ka të drejtën e riblerjes së tij për 23 milionë euro, por ende nuk dihet nëse do të qëndrojë te Interi apo do të transferohet diku tjetër pas sezonit të tij të suksesshëm me Brugge.
E ardhmja e Denzel Dumfries mbetet e pasigurt: në kontratën e tij është klauzola e zgjidhjes prej 25 milionë euro, e aktivizueshme vetëm në korrik, dhe dy klube të mëdha spanjolle, Barcelona dhe Real Madrid, kanë shfaqur interes. Në këtë skemë, Interi po lëviz fuqishëm edhe për Marco Palestrën, i rikthyer te Atalanta pas huazimit te Cagliari; klubi zikaltër është gati të ofrojë 40 milionë euro për ta bindur Atalantën ta lejojë largimin, një operacion që konsiderohet i vështirë por për të cilin drejtuesi Marotta këmbëngul.
Në prapavijë, Stefan de Vrij, i përjashtuar nga skuadra e Botërorit, po negocion rinovimin: Interi ofron një vit zgjatje, ndërsa lojtari kërkon dy. Përforcim i ri në mbrojtje është i nevojshëm; kandidatura e Solet nga Udinese po fiton terren, ndërsa ajo e Muharemovic nga Sassuolo po dobësohet. Te portierët, qëndrimi i Josep Martinez si titullar është i sigurt, ndërsa emri më i përfolur për rolin e zëvendësit është Ivan Provedel, kontrata i të cilit me Lazion skadon në qershor.
