Cristian Chivu konsiderohet si e ardhmja e Interit, mbështetur nga trajneri vetë, nga futbollistët që kanë krijuar një raport të mirë me të dhe nga drejtuesit, të cilët e kanë vlerësuar punën e tij në sezonin e parë të plotë në Serie A. Presidenti Beppe Marotta pas fitores ndaj Parmës e vuri qartë se ky titull i përket Chivut dhe skuadrës, duke theksuar se zgjedhja e tij u bë me kurajo për shkak të kurrikulumit fitues si futbollist dhe si trajner i ekipit Primavera, dhe se ai mund të qëndrojë në klub për shumë vite.
Kontrata dyvjeçare e nënshkruar në 2025 po konsiderohet për rinovim. Klubi nuk dëshiron të nisë sezonin e ri me një trajner me marrëveshje afatshkurtër, ndaj do të fillojë paraprakisht praktikat për zgjatjen e kontratës deri në 2028, me një rritje page nga 2.5 në 3.5 milionë euro në sezon. Kjo tregon se Chivu mbetet në qendër të projektit të Interit, ndërsa hapat e ardhshëm të klubit do të përcaktohen në pjesën e merkatos verore, ku pritet të nisë modifikimi i skuadrës.
Sa i përket transferimeve, Nico Paz konsiderohet për momentin si një ëndërr dhe realizimi i tij varet në pjesën më të madhe nga vendimet e Real Madridit pas kthimit të lojtarit në Spanjë. Interi ka dy emra të miratuar nga Chivu si objektiva kryesore: Manu Konè dhe Marco Palestra. Mesfushori i Romës, Konè, ishte në shënjestër edhe më parë dhe pritet të kërkohet sërish për të forcuar mesfushën me karakteristika më fizike. Palestra nga Cagliari shihet si një goditje e rëndësishme për të tashmen dhe të ardhmen, por realizimi i tij do të varet nga largimet dhe buxheti i destinuar për merkato.
Më afër zyrtarizimit po duket Tarek Muharemovic, mbrojtësi boshnjak që është i destinuar të largohet nga Sassuolo. (Top Channel)
