Me titullin e 21 kampion në xhep, Interi u përball me Lazion në Olimpico të Romës në ndeshjen e radhës së Serie A dhe e mposhti skuadrën bardhekalter me rezultatin 3-0. Pjesa e parë u zhvillua nën dominimin e Interit, që gjeti shpejt golin e avantazhit në minutën e 7 kur Lautaro Martinez dërgoi në rrjetë një top të gjuajtur me të djathtën; ky ishte goli i 17 i argjentinasit në këtë sezon të Serie A. Zikaltrit krijuan edhe shanse të tjera shënimi, me Marcus Thuram dhe Barella që patën mundësi, por pa arritur të konkretizonin.
Në minutën e 39, Interi shënoi golin e dytë përmes Susic, duke mbyllur pjesën e parë me avantazhin 2-0. Në fillim të pjesës së dytë, Lazio mbeti me 10 futbollistë pas ndëshkimit me karton të kuq të Romagnolit, ngjarje që ndikoi në rrjedhën e ndeshjes. Interi e mbylli përfundimisht llogarinë në minutën e 75, kur Mkhitaryan shënoi golin e tretë dhe vulosi fitoren 3-0 të skuadrës kampione të Italisë.
Fitorja e Interit në Olimpico konfirmon dominimin e skuadrës gjatë takimit dhe siguron tre pikë të rëndësishme në Serie A për zikaltrit, ndërsa Lazio doli e pafat pas ndëshkimit me të kuq që la ekipin me një lojtar më pak në pjesën më të madhe të pjesës së dytë. Pas këtij takimi, Interi dhe Lazio do t’i rikthehen përballjes në një tjetër sfidë të rëndësishme, finalen e Kupës së Italisë, që do të zhvillohet më 13 maj po në Olimpico të Romës.
