Suksesi i Interit ndaj Cagliarit i afroi ndjeshëm zikaltrit me titullin e Serie A. Ekipi i drejtuar nga Chivu tani i duhet vetëm 7 pikë për të festuar titullin e 21, por festa mund të vijë edhe më herët në varësi të rezultateve të rivalëve.
Pas dy ndeshjeve të para të javës së 33, renditja është: Inter 78 pikë, Napoli 66 dhe Milan 63, që do të thotë se Inter ka një avantazh prej 12 pikësh ndaj vendit të dytë.
Festa në javën e 34 (26 prill): Interi mund të shpallet kampion nëse fiton ndaj Torinos dhe nëse Napoli nuk fiton ndaj Lazios dhe as ndaj Cremoneses. Me dy barazime të Napolit, Inter bëhet i paarritshëm. Për më tepër, situata e Interit varet edhe nga Milani: për të shmangur kërcënimin, Milanit i duhet të mos fitojë ndeshjet ndaj Veronës dhe Juventusit.
Festa në javën e 35 (2–3 maj): Nëse Inter fiton ndaj Torinos dhe Parmës (sfida e javës së 35), mundësitë për festë rriten ndjeshëm. Në këtë rast, kushti kryesor është një hap fals i Napolit në tre ndeshjet e tij me Lazion, Cremonesen dhe Comon. Edhe vetëm një barazim i Napolit do ta mbyllte pra garën për ta, duke hequr ekipin napolitan nga loja për titullin.
Festa në javën e 36 (9–10 maj): Ky skenar përshkruhet si më i mundshmi dhe në disa aspekte më i lehtë. Interit, i impenjuar në ndeshjen me Lazion në Olimpico, i mjafton një barazim për të siguruar titullin në këto kushte. Në këtë mënyrë, titulli i 21 mund të bëhet realitet edhe nëse Napoli arrin rezultate maksimale në ndeshjet e tij, pasi kombinimi i fitoreve dhe rezultateve të rivalëve mund të bënte diferencën.
Top Channel
