Ish-zv/ kryeministri Arben Ahmetaj është shpallur në kërkim ndërkombëtar. Tre ditë pasi e shpalli në kërkim kombëtar, policia e shtetit ka njoftuar prokurorinë e posaçme se deputeti socialist nuk ndodhet brenda territorit.
Është larguar jashtë vendit. Bazuar te sistemi “TIMS”. Për këtë arsye është njoftuar INTERPOL dhe ish-numri dy i qeverisë Rama është shpall në kërkim ndërkombëtar.
Zyrtarisht nuk dihet se ku ndodhet, por avokati deklaroi dy javë më parë se klienti i tij, Arben Ahmetaj ndodhet në Britani pranë vajzës së tij që ka probleme shëndetësore.
Arben Ahmetaj akuzohet për tre vepra penale në gjashtë episode korrupsioni në një hetim që nisi për inceneratorët dhe përfundoi tek pasuria e ish-zv/ kryeministrit. Kuvendi i hoqi imunitetin, por Ahmetaj u arratis.
