Kryeministri Edi Rama ka reaguar për ngjarjen e rëndë të 21 Janarit 2011, ku sot bëhen 12 vite nga dita kur u vranë 4 protestues në bulevardin “Dëshmorët e Kombit”.
Kreu i Qeverisë ka publikuar në rrjetet sociale fotot nga homazhet në bulevard me familjarët e 4 të ndjerëve dhe anëtarë të kabinetit qeveritar si dhe nga takimi që pati me ta në Kryeministri
Rama shkruan se e vërteta e asaj ngajrje dihet botërisht dhe se janë në pritje që të bëhet drejtësi për katër vrasjet në Bulevard, teksa thekson se ka dalë një fakt i ri në dritë, duke iu referuar përgjimeve.
“Homazhe në pritjen e pafundme që drejtësia të bëjë drejtësi, ndërkohë që e vërteta dihet botërisht dhe një fakt i ri rrëqethës sapo ka dalë në dritë…”, shkruan Rama krahas fotove.
