Njoftim për media
Në IEVP Lezhë, gjatë ndërrimit të shërbimit, është vënë re se i dënuari Sotir Shabani, i cili ishte në trajtim të detyruar mjekësor, nuk po reagonte. Pas njoftimit të menjëhershëm të mjekut të turnit, ky i fundit ka konfirmuar se Shabani kishte ndërruar jetë.
Sotir Shabani, lindur më 21 dhjetor 1975 në Ballsh, Mallakastër, ishte akomoduar në institucionin e arrestit më 27 nëntor 2021 për veprën penale të “Dhunës në familje”, ku ishte dënuar me masë mjekimi të detyruar.
Pas ngjarjes, janë marrë masat për të hartuar dokumentacionin përkatës dhe për të njoftuar drejtuesit e institucionit, specialistët e SHKBB-së, Komisariatin e Policisë Lezhë dhe Prokurorinë e Gatshme për vazhdimin e procedurave ligjore.
Institucioni po bashkëpunon ngushtë me autoritetet kompetente për të sqaruar të gjitha rrethanat që lidhen me rastin.
