Policia italiane ka arrestuar një 53-vjeçar shqiptar, i cili ndodhej në arrest shtëpie pasi është kapur duke konsumuar kokainë në banesën e tij bashkë me disa miq.
Shqiptari i arrestuar për trafik droge në muajin dhjetor ishte lënë nga gjykata në “arrest shtëpie’, por kur policia i shkoi për një kontroll rutinë për të parë nëse ishte aty, karabinierët e gjetën 53-vjeçarin nën shoqërinë e miqve në tarracën e shtëpisë teksa darkonin duke pjekur mish.
Në tavolinën në të cilën po darkonin u gjetën edhe 10 gramë kokainë, mbi 900 euro dhe materiale të tjera të dobishme për të paketuar gjithçka, përkatësinë e të cilave i mori përsipër shqiptari.
Ky i fundit u rikthye kështu brenda qelive të burgut duke rënduar pozitat e tij.
