Në aksin librazhd – Qafë Thanë, në zonën e Dragostunjës, një masiv dheu dhe gurësh është rrëzuar nga mali, duke bllokuar plotësisht qarkullimin e automjeteve në të dyja drejtimet. Shërbimet e Policisë Rrugore janë në vendngjarje dhe po bashkëpunojnë me firmën kontraktore për mirëmbajtjen e rrugëve, që të realizojnë pastrimin e këtij segmenti sa më shpejt të jetë e mundur, në mënyrë që të lejohet rifillimi i qarkullimit.
Policia Rrugore e Elbasanit apelon për gjithë shoferët që planifikojnë të udhëtojnë drejt Korçës dhe anasjelltas, t’i shmangen lëvizjes deri në një njoftim të mëtejshëm për hapjen e rrugës. Aktualisht, situata kërkon kujdes të shtuar nga udhëtarët dhe bashkëpunim me autoritetet për zgjidhjen e këtij problemi.
