Hetimet proaktive disa mujore të Prokurorisë pranë Gjykatës së Shkallës së Parë në Tiranë çuan në zbulimin dhe goditjen e një grupi kriminal që merrej me trafikimin e qenieve njerëzore nga vendet e Amerikës Latine dhe Azisë Qendrore. Ky grup shfrytëzonte platforma online për prostitucion, duke rekrutuar vajza të rinj.
Operacioni, pjesë e procedimit penal nr.846, 2025, u realizua në bashkëpunim me Seksionin e Hetimit të Trafiqeve të Paligjshme pranë Policisë së Tiranës, Prokurorinë, si dhe autoritetet e huaja si Policia Kombëtare e Kolumbisë dhe Policia Kroate, përkrah EUROPOL dhe EUROJUST. Gjatë operacionit u lëshuan 19 masa sigurie, nga të cilat 9 u ekzekutuan në Shqipëri dhe 10 në Kolumbi. Përveç tre personave nën kërkim, u proceduan gjithashtu 48 shtetase të huaja.
Shtetasi L. B., i arrestuar në Kolumbi, kishte rol qendror në rekrutimin e vajzave dhe organizimin e udhëtimit të tyre drejt Shqipërisë, ku ato detyroheshin të ushtronin prostitucion. Të dhëna të hetimeve treguan se ndihmësi i tij, D.S., kontribuonte në menaxhimin logjistik të rrjetit dhe akomodimin e vajzave, ndërsa K. P. merrej me mbledhjen e të ardhurave dhe transferimin e tyre nëpërmjet kriptovalutave për L. B.
Një tjetër arrestim, i shtetasit I. G., tregoi se kishte përshtatur një hotel në Tiranë si vend ku vajzat e trafikuara ishin të detyruara të ushtronin prostitucion. Në këtë hotel, mbanin vajza nga Kazakistani, ndërsa D. B. merrej me shpërndarjen e lëndëve narkotike dhe lehtësonte kontaktet me klientët.
Ky operacion u mbështet nga projektet e Eurojust, përfshirë Wester Balkans Criminal Justice dhe EMPACT, duke theksuar angazhimin për luftimin e trafikimit të qenieve njerëzore në Ballkanin Perëndimor.
