Një gomone nga brigjet shqiptare ka lëshuar sinjalin “SOS” pranë brigjeve greke, në zonën midis Igumenicës dhe Korfuzit, në vendin e quajtur Prasoudi. Menjëherë pas njoftimit, autoritetet greke, përfshirë skafet e policisë së Korfuzit dhe Igumenicës, u nisën drejt vendit të ngjarjes. Ndihma e kërkuar ka arritur gjithashtu edhe në policinë kufitare të Sarandës.
Policia greke zbuloi në vendngjarje një gomone gjysmë të fundosur, brenda së cilës ndodhej drejtuesi, një shtetas shqiptar. Ai, Edmond Musa, një 50-vjeçar nga Saranda i njohur me pseudonimin “Çimoni”, u transportua drejt Portit të Igumenicës dhe më pas drejt Spitalit të Filatit për ndihmë mjekësore. Musa është identifikuar si një person i skeduar në trafikun ndërkombëtar të lëndëve narkotike.
Fillimisht, ai u arrestua për “kalim të paligjshëm të kufirit” dhe “mbytje të mjetit lundrues”. Megjithatë, për shkak të dyshimeve të ngritura, policia u rikthye në vendngjarje. Gomonia ishte gjetur më pas pranë Sajadhës, ku gjatë kontrollit u zbulua një sasi e madhe marihuane, e cila ishte fshehur me kujdes brenda saj.
Lënda narkotike është aktualisht në proces transporti drejt Portit të Igumenicës për të qenë e përcaktuar saktësisht peshën, ndërsa hetimet për çështjen e trafikut ndërkombëtar të drogës nga Shqipëria në Greqi kanë filluar. Kjo ngjarje sugjeron një përfshirje të mundshme të grupeve kriminale në trafikimin e lëndëve narkotike në këtë zonë delikate kufitare.
