FINLANDË- Janë publikuar pamje nga momenti i goditjes së grupeve kriminale të trafikut të drogës në Finlandë. Në pamje shihen momenti kur nëntë ersonat e arrestuar në Shqipëri në kuadër të operacionit “Pietari” dërgohen në polici. SPAK ka lëshuar 11 urdhër arreste, ndërsa janë ekzekutuar vetëm 9 prej tyre.
Blutë po punojnë për kapjen e një prej shtetasve, ndërsa një tjetër nuk ndodhet në Shqipëri po punohet me autoritetet partnere për lokalizimin e tij. Raportohet se gjatë operacionit, për ekzekutimin e 11 masave të sigurisë, u angazhuan rreth 110 punonjës të Policisë së Shtetit. Gjithashtu, janë sekuestruar prova për vijimin e hetimeve dhe hetimit pasuror.
Njoftimi:
Pamje nga operacioni policor i koduar “PIETARI”. Operacioni, i përbashkët me autoritetet finlandeze.
Gjatë operacionit, për ekzekutimin e 11 masave të sigurisë, u angazhuan rreth 110 punonjës të Policisë së Shtetit. Konkretisht, u përfshinë Drejtoria për Hetimin e Krimit të Organizuar, Drejtoria e Forcës së Posaçme Operacionale, Forca Kombëtare e Sigurisë, në bashkëpunim me drejtoritë vendore të Policisë Tiranë, Berat, Vlorë dhe Gjirokastër.
Nga 11 masa sigurie, Policia e Shtetit në bashkëpunim me BKH-në, kanë ekzekutuar 9 masa sigurie dhe vijon puna për kapjen e 1 shtetasi, ndërsa 1 shtetas, nga informacionet e siguruara, nuk ndodhet në Shqipëri, dhe po bashkëpunohet me auritetet partnere për lokalizimin dhe kapjen e tij. Gjithashtu, janë sekuestruar prova të rëndësishme për vijimin e hetimeve paraprake dhe hetimit pasuror.
