Një tjetër betejë gjyqësore e humbur. Ditën e sotme Gjykata e Lartë ka rrëzuar kërkesën e paraqitur nga avokatët e Sali Berishës dhe dhëndrit të tij, Jamarbër Malltezit për përjashtimin e trupës së gjykimit të përbërë nga Sandër Simoni, Ilir Panda dhe Sokol Binaj.
Mbrojtja e të dy palëve kërkoi përjashtimin e tre gjyqtarëve me argumentin se ata kanë shqyrtuar një kërkesë të tillë më parë. Vendimi i rrëzimit të kërkesës u mor nga gjyqtari Artur Kalaja. Trupa do shqyrtojë kërkesën për heqje të masës shtrënguese të sigurisë arrest në shtëpi vendosur si ndaj Berishës ashtu edhe Malltezit
