Tensionet shpërthyen në tunelin që çon në dhomat e zhveshjes gjatë pushimit të ndeshjes mes Genoas dhe Sassuolos në kampionatin italian të futbollit. Pas përfundimit të pjesës së parë, gjatë daljes nga fusha, u përfshinë në një sherr Domenico Berardi dhe Mikael Ellertson. Të dy futbollistët u kapën keq mes tyre dhe përdorën duar, duke detyruar futbollistët e tjerë të ndërhyjnë për t’i ndarë.
Arbitri Rapuano e pa incidentin dhe vendosi të ndëshkojë të dy futbollistët me karton të kuq. Kjo bëri që secila skuadër të vazhdonte pjesën e dytë me nga 10 lojtarë. Ndeshja përfundoi me fitoren e Genoas 2-1.
