Gazetari i njohur Nikoll Lesi është i mendimit se aksioni i SPAK për goditjen e zyrtarëve dhe ish-zyrtarëve të lartë të korruptuar, sapo ka nisur.
Sipas tij, “vera do të jetë e nxehtë”, dhe goditjet e SPAK do të vijojnë edhe më lart se Arben Ahmetaj, i cili ndonëse prezumohet i pafajshëm, deri tani është zyrtari më i lartë nën shënjestrën e SPAK.
Ahmetaj ka mbajtur poste të rëndësishme si ish-ministër i Financave, deri te posti i zëvendës-kryeministrit, praktikisht numri dy i qeverisë Rama.
“Themelet e betonuara të SPAK nga Arben Kraja, tani po ngrihen me hekur-beton nga Altin Dumani. Do të kemi verë shumë të nxehtë për politikën e korruptuar shqiptare. Nga fundi i vjeshtës do ti kemi në burg të gjithë ata që guxuan të shpërdorojnë postin zyrtar dhe të vjedhin lekët e buxhetit”, shkruan ai.
Që timoni i SPAK deri tani ka prerë vetëm majtas, ky është një fakt publik, që ka shkaktuar edhe reagimin e vetë kryeministrit Edi Rama i cili ka thënë se SPAK duhet ta “godasë kuçedrën e korrupsionit në kokë”, duke mos parë “as majtas e as djathtas”.
