Një ngjarje tragjike ka ndodhur në Britaninë e Madhe, ku Sharaz Ali, 40 vjeç, është dënuar me burgim të përjetshëm pas vrasjes së ish-kunatës së tij, Bryonie Gawith, dhe tre fëmijëve të saj të vegjël. Ngjarja ndodhi në vitin 2024 në Bradford, si një akt hakmarrjeje ndaj ish-partneres së tij, Antonia Gawith, e cila kishte vendosur të përfundonte lidhjen me të.
Sipas dëshmive në gjykatë, Ali kishte planifikuar sulmin pasi ndiente xhelozi. Ai dhe një bashkëpunëtor, Calum Sunderland, 27 vjeç, shkuan në banesën e Antonia-s. Sunderland e helpi Aliun të hyjë brenda duke thyer derën e shtëpisë. Atje, Ali hodhi benzinë mbi Antonia-n me qëllim ta digjte të gjallë, por ajo arriti të arratisej. Akoma, ai i vuri zjarrin shtëpisë, duke lënë në brendësi Bryonie-n dhe tre fëmijët e saj, Denisty (9 vjeçe), Oscar (5 vjeç) dhe Aubree (22 muajshe), të cilët mbetën të bllokuar dhe humbën jetën nga flakët.
Gjatë procesit gjyqësor, gjykatësi theksoi se sulmi kishte qenë i planifikuar dhe se Ali kishte treguar një mungesë të plotë ndjeshmërie ndaj jetës së fëmijëve, duke i konsideruar ata “dëme anësore të pranueshme.” Pas shqyrtimit, gjykata vendosi ndaj Ali burgim të përjetshëm pa të drejtë lirimi.
Ndërsa bashkëpunëtori i tij, Sunderland, u shpall fajtor për vrasje nga pakujdesia dhe u dënua gjithashtu me burgim të përjetshëm, por me mundësinë e shqyrtimit për lirimin me kusht pas 18 vitesh.
Në një deklaratë për media, Antonia Gawith shprehu dhimbjen e saj për humbjen e familjes, duke theksuar se kujtimet e asaj nate tragjike do të qëndrojnë gjithmonë me të. Ajo nënvizoi se asnjë dënim nuk mund ta kthejë mbrapsht familjen e saj dhe se dashuria dhe kujtimet e të afërmve të humbur do të mbetën përgjithmonë të pahershme.
