Gana ka shkarkuar trajnerin e kombëtares, Otto Addo, me vetëm 10 javë përpara fillimit të Kampionatit Botëror të futbollit. Largimi i tij erdhi pas humbjes me Gjermaninë, me rezultatin 2-1, në një ndeshje miqësore në Stuttgart. Kjo humbje përbënte të katërtën radhazi për ekipin kombëtar të Ganës, duke bërë që Federata Ganeze e Futbollit të merrte vendimin e menjëhershëm për të ndalur bashkëpunimin me Addon.
Në një komunikatë, federata shprehu falënderimet për kontributin e trajnerit dhe i uroi suksese në të ardhmen. Ajo gjithashtu njoftoi se emri i trajnerit të ri do të publikohet në kohën e duhur. Otto Addo kishte marrë drejtimin e kombëtares në mars të vitit 2024 dhe kishte udhëhequr ekipin në procesin e kualifikimit për Kupën e Botës të këtij viti, ku Gana do të konkurojë në Grupin L, përballë Anglisë, Kroacisë dhe Panamës.
