Zv/Ndihmës Sekretari i Shtetit për Evropën Jugore dhe Qendrore, Gabriel Escobar, në një intervistë për Zërin e Amerikës, dënon dhunën e fundjavës në Partinë Demokratike të Shqipërisë
Escobar thotë se ajo nuk mund të jetë mjet për marrjen nën kontroll të një partie politike. Vetë Zëri i Amerikës, në një postim në rrjetet sociale shpërndau një fragment nga kjo intervistë që do të transmetohet pasditen e kësaj të mërkure.
“Mendoj se është për të ardhur keq që dikush do të përdorë dhunën dhe jo kutinë e votimit në një përpjekje për të marrë nën kontroll një parti politike, ne e dënojmë këtë. Jo gjithkush që pretendon se është anëtar i Partisë Demokratike është një partner i rëndësishëm i joni tani”, shprehet Escobar.
Mësohet se ai ka folur po ashtu edhe për rolin që do të luajë Washington-i në bisedimet Kosovë-Serbi, si edhe për shpresat për integrimin evropian të rajonit.
“Ne do të jemi shumë të angazhuar në proces, jo vetëm në Serbi dhe Kosovë, por në përgjithësi në rajon dhe jo vetëm për çështje politike, por edhe për çështje ekonomike”, thotë ai më tej në intervistë
