Gjashtë shtetas shqiptarë, pjesë e një grupi të organizuar kriminal nga Ballkani Perëndimor, janë dënuar me gjithsej më shumë se 28 vite burg nga Gjykata e Lartë e Swindon, pas një hetimi të thelluar për shpërndarjen e kokainës në qytet, raportojnë mediat e huaja.
Sipas policisë së Wiltshire, pas një operacioni gjashtëmujor, u identifikuan banesa dhe automjete të përdorura për fshehjen e drogës, si dhe organizatorët dhe shpërndarësit kryesorë të rrjetit.
Në qendër të grupit ishte 32-vjeçari Saimir Neziraj, i cili drejtonte aktivitetin e shpërndarjes, duke organizuar blerjen, mbledhjen e parave dhe furnizimin me drogë. Edmir Beqiri ruante kokainën në Swindon, ndërsa Ardian Gjeta dhe Jorgo Brachousai kujdeseshin për shpërndarjen e përditshme në rrugë.
Hetimi përfshiu gjurmimin e takimeve në Londër dhe Midlands, ku Neziraj u pa duke marrë drogë nga Ergys Abdyli, 26 vjeç, në Barnet. Në Derbyshire, Nertil Halili, 29 vjeç, menaxhonte telefonin “Denzel”, i përdorur për porositë dhe shpërndarjen e drogës.
“Gabimi i madh”, ndodhi në mars 2024, kur policia vëzhgoi një takim mes Halilit dhe Nezirajt në West Bromwich. Më pas u organizuan bastisje të koordinuara në Swindon, Derby dhe Londrën veriore, ku u sekuestruan sasi të mëdha kokaine dhe para të gatshme, dhe të dyshuarit u arrestuan.
Të arrestuarit pranuan fajësinë dhe u dënuan me burg si më poshtë:
Nertil Halili – 7 vite e 10 muaj burg
Edmir Beqiri – 3 vite e 8 muaj burg
Ergys Abdyli – 5 vite e 11 muaj burg
Ardian Gjeta – 2 vite e 1 muaj burg
Jorgo Brachousai – 16 muaj burg me kusht për dy vite.
