Kompania kineze Honor në Pekin prezantoi një robot humanoid që arriti shpejtësi rekord gjatë provave për Kampionatin Botëror të Robotikës Humanoide. Roboti, i pagëzuar “Lightning” (Rrufeja) nga krijuesit, kapërceu shpejtësinë maksimale prej 14.5 metrash në sekondë dhe përshkroi distancën 100 metra në kohën 9.32 sekonda, duke thyer rekordin njerëzor të sprintit prej 9.58 sekonda të vendosur nga Usain Bolt në Kampionatin Botëror të Berlinit në 2009. Ky rezultat erdhi pas 17 vitesh që rekordi botëror njerëzor dukej i pathyeshëm.
Ngjarja ku u regjistrua shpejtësia u zhvillua si eventi testues si parapërgatitje për edicionin e dytë të Lojërave Botërore të Robotikës Humanoide, të cilat u hapën së fundmi në Pekin. Honor, kompania që ka zhvilluar “Lightning” dhe që njihet kryesisht për smartfonët, punoi në zhvillimin e robotit gjatë viteve të fundit dhe e paraqiti atë si protagonist në disiplinat e vrapimit muajt e fundit.
Në muajin prill, “Lightning” fitoi gjysmëmaratonën e Pekinit me kohën 50 minuta e 26 sekonda. Në atë kohë roboti ishte 169 cm i gjatë dhe kishte këmbë me gjatësi 95 cm. Për t’u përballur me provat e shpejtësisë në 100 metra, inxhinierët e Honor bënë një modifikim strukturor, duke i zgjatur këmbët me 10 cm të tjera, ndryshim i përdorur në testin ku u arrit shpejtësia 14.5 m/s dhe koha 9.32s.
Raporti i ngjarjes thekson se ky rezultat vjen si produkt i përpjekjeve zhvillimore të kompanisë dhe i modifikimeve të fundit në strukturën fizike të robotit. Testet u zhvilluan në kuadër të përgatitjeve për garat ndërkombëtare të robotikës humanoide dhe demonstruan kapacitetet e “Lightning” në disiplinat e vrapimit, duke përfshirë performanca në gjysmëmaratonë dhe në sprint 100 metra pas ndryshimeve të bërë nga inxhinierët. Top Channel.
