Komisioni i Disiplinës dhe Etikës në FSHF ka rrëzuar kërkesën e KF Tirana për konvertimin e dënimit të vendosur për zhvillimin e një ndeshjeje pa spektatorë. Vendimi origjinal, i marrë me Nr. 45, datë 11.05.2026, mbetet në fuqi dhe do të ekzekutohet sipas përcaktimeve përkatëse.
KF Tirana kishte paraqitur më 18.09.2026 një kërkesë për konvertimin e masës disiplinore, duke u bazuar në nenin 75 të Kodit të Disiplinës dhe Etikës (KDE), i cili parashikon mundësinë e konvertimit të masës së zhvillimit të ndeshjes pa spektatorë në gjobë, pas shlyerjes së gjysmës së dënimit dhe me kërkesë të palës së interesuar. Pas marrjes së kërkesës, Komisioni shqyrtoi relacionin e Sekretariatit Teknik, dokumentacionin e bashkëlidhur dhe komunikimin zyrtar me Drejtorinë Vendore të Policisë Tiranë.
Në komunikimin me Policinë Vendore rezultoi se, për shkak të kohës së kufizuar në dispozicion nga momenti i njoftimit për zhvillimin e ndeshjes, Policia e Shtetit ishte objektivisht e pamundur të planifikonte dhe të merrte masat e nevojshme për garantimin e sigurisë dhe mbarëvajtjes së saj. Megjithatë, duke u bazuar në nenin 75 dhe dispozitat vijues të Kodit të Disiplinës dhe Etikës, Komisioni vlerësoi se në rrethanat konkrete nuk ishte e përshtatshme konvertimi i masës disiplinore në gjobë.
Si pasojë, Komisioni vendosi rrëzimin e kërkesës së KF Tirana për konvertimin e masës disiplinore të vendosur me Vendimin nr. 45, datë 11.05.2026. Masa e zhvillimit të ndeshjes pa spektatorë mbetet e vlefshme dhe do të zbathet sipas detyrimeve të vendimit përkatës. Vendimi i Komisionit është përfundimtar dhe i paapelueshëm, në përputhje me nenin 75/4 të Kodit të Disiplinës dhe Etikës.
