Pasi u pikas nga policia si mirëmbajtës i një ferme kanabisi në Britaninë e Madhe, shqiptari Etmont Lika gjeti metodën epike për t’iu fshehur policisë. Ai tentoi të fshihej duke u ngjitur mbi çati.
Autoritetet ranë në gjurmët e shtëpisë së barit, nga një kallëzim i një bravandreqësi të zonës. Teksa po ndërronte bravat e një prone ai vuri re se ishte një fermë droge.
Policia kontrolloi pronën dhe gjeti 200 bimë kanabis që rriteshin në gjashtë dhoma, në atë që u përshkrua si “një operacion i sofistikuar”.
Ndërsa avokatja e tij tha se klientit të saj iu ofruan 100 £ në ditë për të jetuar në pronë dhe u largua nga Shqipëria për arsye ekonomike. Ajo tha: “Ai dëshiron të punojë, por ai e di tani se duhet ta kishte bërë këtë përmes kanaleve të duhura.
